Meänkieli, varietet 1

Minoriteettikielet

Alla oleva teksti oon kirjotettu lannankielelä. Lannankieli käytethän Kierunan ja Jellivaaran kunnissa. Lannankieli oon yksi murret meänkielele.

Nedanstående text är skriven på lannankieli. Lannankieli används i Kiruna och Gällivare kommuner. Lannankieli är en dialekt till meänkieli.

Minoriteettikielilajin suorittamisen alkuvaihessa löytävät kunnat, Läänihallitus ja Maakäräjät tukea siitä ette jakata heiltä kokemuksia ja praktisiä keinoja joita tarjoamalla kansalaisile anta pareman palvelun minoriteettikielile. Eustajia sivilisestä yhtheiskunnasta osalistuvat sen vuoksi Ruottinsuomalaisten keskusliitto ja Ruottin torniolaksolaisten keskusliitto. Saamekäräjä oon myötä valvomassa saamelaisia intressiä ja niinko kansalinen viranomainen jolla oon kokemusta minoriteettipolitiikasta.
Norrbottenin Kunnittenliitto koortinoitte yhen informasuuniprojektin vuonna 2008 yrittämällä saa´a pareman palvelun minoritettikielile ja näkösellenostoa Norrbottenin minoriteettiä.

Lue lisä alkupohjasta minoriteettikielien informasuunista (word, 33 kB)

Lue hallituksen informasuunin (informasuuni ruottiksi)

Lue yhthenveon maanhallituksen minoriteettipolitiikasta (informasuuni ruottiksi)
 
Lue kielineuvoston infosivun Ruottin viiestä kansalisesta minoriteettikieliestä (informasuuni ruottiksi)
 
Jos halvat kysyä eli jättä mielipitheitä, niin klikka vasemalla puolela olevata sana sidansvarig (ei puhu saamenkieltä, suomea eikä meänkieltä)

Meänkieli, varietet 2

Minuriteettikielet

Översättningen är gjord på översättarnas modersmål som återfinns inom Pajala kommun.

Tehtävässä ette seurata minuriteettikielilakia, kunnat, Lääninhallitus ja Maakäräjä saava tukea ette jakkaa kokemuksia ja esittää toimenpitheitä ja sillä mallin tarjota kansalaisile parempaa huoltoa minuriteettikielilä. Etustajinna siviilistä yhtheiskunnasta oon sen vuoksi Ruottinsuomalaisten valtakunnanliitto/ Sverigefinländarnas riksförbund ja Ruottin Tornionlaaksolaisten valtakunnan liitto-Tornionlaaksolaiset/ Svenska Tornedalingars Riksförbund-Tornionlaaksolaiset. Saamekäräjä/Sametinget, joka oon valtiolinen virasto jolla oon kokemuksia minuriteettipolitiikasta, valvoo saamelaisten asioita. Kunnanliitto/Kommunförbundet Norrbotten yhistää informasjuuniprojektin vuen 2008 aikana, ette parantaa huolon minuriteettikielilä ja tua Norrbottenin minuriteetit näkösälle.

Lue lissää takustasta informasjuunile minuriteettikielelä (word, 31 kB)
 
Lue informasjuuni hallituksesta (informasjuuni ruottiksi)
 
Lue yhtheenveto hallituksen minuriteettipolitiikasta (informasjuuni ruottiksi)
 
Lue Kieliraatin infulehen Ruottin viiestä kansalisesta minuriteettikielestä (informasjuuni ruottiksi)
 
Jos halvat kysyä eli jättää mielipitheitä, klikkaa sivunvastuulisen alle vasemalla puolen tätä sivua (hän ei puhu saamen-, suomen- eli meänkieltä)